ഭാരത് ജോഡോയുമായി യാത്ര തിരിച്ച് അധികം കഴിയുന്നതിനുമുമ്പുതന്നെ കോൺഗ്രസിന് കനത്ത തിരിച്ചടിയുമായി ‘കോൺഗ്രസ് ഛോഡോ’ നടപ്പാക്കി ഗോവയിലെ കോൺഗ്രസ് എംഎൽഎമാർ കൂറുമാറി ബിജെപിയിൽ ചേർന്നു. മുൻ മുഖ്യമന്ത്രി ദിഗംബർ കാമത്തടക്കമാണ് കൂറുമാറിയത്. കാമത്തിനെക്കൂടാതെ, മുതിർന്ന നേതാവ് മെെക്കിൾ ലോബോ, ഡെലിലാ ലോബോ, രാജേഷ് ഫൽദേശായി, കേദാർ നായിക്, സങ്കൽപ് അമോങ്കർ, അലെക്സിയോ സെക്വേറ, റുഡോൾഫ് ഫെർണാണ്ടസ് എന്നീ എൽഎൽമാരാണ് ബിജെപിയിൽ ചേർന്നത്. ഗോവയിൽ കോൺഗ്രസിന് 11 എംഎല്എമാരാണുണ്ടായിരുന്നത്. ഇതിൽ എട്ട് പേരാണ് ബിജെപിയിൽ ചേർന്നത്.
